Туман тарихи

Туман ҳақида қисқача

 

М А Ъ Л У М О Т

 

Элликқалъа тумани шимолдан Қизилқум чўли, Султон Увайс тоғи, ғарбдан Беруний, Тахтакўпир, жанубдан Хоразм вилояти, шарқдан Тўрткул туманлари ва Навоий вилояти билан чегарадошдир.

Чегара узунлиги (533,0 км) Шундан, Навоий вилояти билан (74,7 км), Хоразм вилояти
(15,7 км), Беруний тумани (170,1 км), Тўрткўл тумани (169,7), Тахтакўпир тумани (102,8 км) туманлари билан чегарадош.

Туман 1977 йилда ташкил топган бўлиб, маркази Бўстон шаҳри, жами ер майдони
541920 гектарни ташкил қилади. Шундан, 768 гектар қисми шаҳар ер майдони хисобланади. Туман аҳолиси сони 157601 киши, шу жумладан шаҳар аҳолиси 19 720 киши, қишлоқ аҳолиси
137 881 кишидан иборат.

Туманда 13 та овул, 21 та маҳалла ва 1 та шаҳарча фуқаролар йиғинлари мавжуд бўлиб, хонадонлар сони 26005 уларда 36901 оилалар истиқомат қилади.

Туман асосан қишлоқ хўжалигининг пахта ва ғаллачилик йўналишларига ихтисослашган бўлиб, қишлоқ хўжалигига яроқли ерлар 387479 гектарни ва шундан экишлик майдони
28690 гектарни ташкил қилади.

Тумандаги қишлоқ аҳолисига ажратилган томорқа ер майдонлари 4222 гектарни ташкил қилади.

Туманда 72 та умумтаълим мактаблари, 27 та мактабгача таълим муассасалари, 1 та Нукус давлат педагогика институтининг Элликқалъа педагогика факултети, 3 та коллеж, 2 та Мусиқа мактаби, 1 та ихтисослаштирилган санъат мактаби ва 1 та касалхона, 8 та оилавий поликлиника, 3 та қишлоқ врачлик пунктлари, 1 та санъат саройи 3 та маданият саройи, 1 та музей, 1 та истироҳат боғ, 4 та спорт майдончалари, 1 та ёпиқ сув ҳавзаси (бассейн), 1 та стадион ва 1 та спорт зал мавжуд.

Туманда 51 та кўп хонадонли турар жойлар бўлиб, шундан 6 таси 4 қаватли турар жойлар, 45 таси 2 қаватли турар жойлар.

 

Ишлаб чиқаришдаги асосий макроиқтисодий кўрсаткичлар.

Туманда 2019 йил давомида барча тармоқлар бўйича иқтисодий ўсишга эришилди. Иқтисодий ўсишга эришишнинг асосий факторлари бу саноат маҳсулотларини ишлаб чиқариш ҳажми 254,5 млрд. сўм 108,1 фоизга, халқ истъмол молларини ишлаб чиқариш ҳажми 88,3 млрд. сўм 100,0 фоизга, қишлоқ хўжалиги ялпи маҳсулоти ҳажми 868,7 млрд. сўм 106,5 фоизга, пудрат ишлари ҳажми 141,5 млрд. сўм 115,2 фоизга, чакана савдо айланмаси ҳажми 321,4 млрд. сўм 108,0 фоизга, жами хизматлар ҳажми 145,4 млрд. сўм 108,0 фоизга ўсиши ҳисобидан бўлди.

 

Бюджет-солиқ сиёсати.

2019 йил мобайнида маҳаллий бюджетнинг даромадлар режаси 73 577,4 млн. сўм бўлиб, хақиқатда 86 055,9 млн. сўмга бажарилди. Бюджет ҳаражатлар режаси 166 072,4 млн. сўм бўлиб, хақиқатда 180 148,0 млн. сўмни ташкил қилди. Маҳаллий бюджетдаги трансфер салмоғи 124 055,4 млн сўм ташкил қилади.

 

Кичик бизнес ва хусусий тадбиркорликни ривожлантириш.

Жорий йил 1 январь ҳолатига туманда фаолият кўрсатаётган тадбиркорлик субъектларининг сони 1739 тани ташкил этиб, шундан 913 та юридик шахс мақомига эга бўлган, 826 та якка тартибдаги тадбиркорларни ташкил қилган.

2019 йил мобайнида 224 та субъектлар янгидан ташкил этилган.

 

Қишлоқ ҳўжалигида ислоҳотларни қўллаб-қувватлаш ва ривожлантириш

2018 йилда ишлаб чиқарилган ялпи қишлоқ хўжалик маҳсулотлари хажми 2019 йил билан солиштирилганда ўсиш суръати 106,5 фоизни ташкил қилди. 12122 тонна гўшт (тирик вазнда), 53558 тонна сут, 30209 минг дона тухум ва 261 дона қоракўл териси етиштирилди

Шундан, фермер хўжаликлари томонидан 222 тонна гўшт (тирик вазнда), 2829 тонна сут, 10377 минг дона тухум ва 15 дона қоракўл териси етиштирилди.

Шахсий ёрдамчи, деҳқон ва фермер хўжаликларида чорвачиликни ривожлантириш бўйича олиб борилган ишлар натижасида 2019 йилнинг 1 январ ҳолатига шахсий ёрдамчи ва деҳқон хўжаликларидаги қорамолларнинг бош сони 124064 бошга, фермер хўжаликларидаги қорамолларнинг бош сони эса 6171 бошга етди.

 

Ташқи иқтисодий алоқалар

2018 йилда туманда ташқи савдо айланмаси 23,6 млн АҚШ долларни ташкил қилди. Жумладан экспорт 10,1 млн АҚШ доллари ўтган йилга нисбатан 4,2 каррага бажарилган, импорт эса 13,5 млн АҚШ доллари ташкил қилади ўтган йилга нисбатан 134,5 фоизни ташкил этган.

 

Ижтимоий соҳани ривожлантириш

2020 йил 1 январ ҳолатига меҳнатга лаёқатли аҳоли сони 86,9 минг кишини, иқтисодий фаол аҳоли сони 61,8 минг кишини, иқтисодиётда банд аҳоли сони 65,6 минг кишини ташкил қилади.

2019 йилда 1327 та янги иш ўрнини яратиш белгиланган, амалда 1450 та янги иш ўринлари яратилиб, режа 109,3 фоизга бажарилди.