Давлатимиз раҳбарини таваллуд айёми билан чин қалбдан табриклайман! Узоқ ва мазмунли умр тилайман.

Аввал ҳам бир ёзгандим, Президентнинг қай даражада адолатли раҳбар эканлигига асосий баҳони халқ беради.

Шавкат Мирзиёевга асосий тилагим шу – доимо халқнинг дуосини олиш, уларнинг розилигини олиш насиб қилсин. Менимча, бундан ортиқ мукофот бўлмаса керак.

Ўзбекистон Республикаси Президенти Шавкат Мирзиёев Қозоғистон Республикаси Президенти Қасим-Жомарт Тоқаев билан телефон орқали мулоқот қилди.
(https://president.uz/uz/lists/view/3723)Қасим-Жомарт Тоқаев давлатимиз раҳбарини таваллуд куни билан самимий қутлади.
Суҳбат чоғида икки томонлама муносабатлар ва минтақавий ҳамкорлик масалалари муҳокама қилинди.

Ўзбекистон Президенти Шавкат Мирзиёев Туркманистон Президенти Гурбангули Бердимуҳамедов билан телефон орқали мулоқот қилди.
(https://president.uz/uz/lists/view/3724)Туркманистон раҳбари Президентимизни таваллуд куни билан самимий табриклаб, халқимизга фаровонлик тилади.
Суҳбат чоғида давлат раҳбарлари ўзаро манфаатли амалий ҳамкорликни кенгайтириш масалаларига алоҳида тўхталдилар.

Ўзбекистон Республикаси Президенти Шавкат Мирзиёев 24 июль куни Тожикистон Республикаси Президенти Эмомали Раҳмон билан телефон орқали мулоқот қилди.
(https://president.uz/uz/lists/view/3725)Тожикистон Президенти давлатимиз раҳбарини туғилган куни билан самимий муборакбод этди.
Икки томонлама дўстлик, яхши қўшничилик ва стратегик шериклик муносабатларининг жорий ҳолати ва уларни кенгайтириш истиқболлари кўриб чиқилди.

Бугун Ўзбекистон Президенти Шавкат Мирзиёев ва Қирғизистон Президенти Сооронбай Жээнбеков телефон орқали мулоқот қилдилар.
(https://president.uz/uz/lists/view/3726)Сооронбай Жээнбеков Қирғизистон халқи ва шахсан ўз номидан давлатимиз раҳбарини туғилган куни билан самимий қутлаб, мустаҳкам соғлик, фаровонлик ва муваффақият тилади.
Ўзаро манфаатли ҳамкорликнинг янги ўсиш нуқталарини шакллантириш масалалари кўриб чиқилди.

Ўзбекистон Республикаси Президенти Шавкат Мирзиёев Россия Федерацияси Президенти Владимир Путин билан телефон орқали мулоқот қилди.
(https://president.uz/uz/lists/view/3727)Владимир Путин давлатимиз раҳбарини таваллуд куни билан чин дилдан муборакбод этиб, фаровонлик ва муваффақият тилади.
Лидерлар ўтган ойда Москва шаҳрида бўлиб ўтган амалий учрашувда эришилган келишувларни амалга ошириш масаласига алоҳида эътибор қаратдилар.