Ҳабарингиз бор, Республика махсус комиссиясининг жорий йилнинг 11- июлдаги қарори билан Ўзбекистонда аҳоли ўртасида коронавирус инфекциясининг тарқалиш занжирини узиш мақсадида 2020 йил 13- июлдан 2020 йил 1- августга қадар республика миқёсида қўшимча карантин чекловлари жорий этилган эди. Бутун дунёда энг долзарб муаммога айланган коронавирус инфекцияси тарқалишини олдини олиш учун жойларда қатъий чора-тадбирлар кўришни талаб этмоқда.
Комиссия қарорига кўра, 2020 йил 18—19 июль ҳамда 25—26 июль (шанба ва якшанба) кунлари бутун сутка давомида республика миқёсида ҳаракатланиш, автотранспорт воситаларининг, шу жумладан, йўналишсиз таксиларнинг ҳаракати тўлиқ тўхтатилиши белгиланган.
Бугун, Элликқалъа туманида барча ташкилотлар, бозор худуди, кучалар, кўп қаватли уйлар атрофлари тўлиқ дезинфекция қилинди. Эрталабдан “Элликқалъа дехқон бозори” худудидан бошланган дезинфекция ишларига маъсул ташкилотлар ўзларининг махсус техникалари билан иштирок қилдилар.
Ҳамкорликдаги дезинфекция ишларини ўтказишдан кўзланган асосий мақсад аҳоли кўп тўпланадиган жамоат жойлари, савдо марказлари ва бозорларда, шаҳар кўчаларида, кўп қаватли уйларда, маҳаллаларда, асосий йўллар ва кўчаларда кенг масштабда дезинфекция ишларини олиб бориш, коронавирус инфекцияси тарқалишининг олдини олиш, фуқаролар хавфсизлиги, саломатлигини таъминлаш ҳисобланади.
Биз эса янги коронавирусга қарши курашишда ўз-ўзини изоляциялаш, қўлларни совун билан мунтазам ювиш ва мутахассислар тавсияларига амал қилиш энг самарали чоралар саналишини яна бир бор эслатиб ўтамиз. Ёдингизда бўлсин, кўчалар ва оммавий биноларни дезинфекция қилиш воситаларини уй шароитида қўллаб бўлмайди. Эшик тутқичлари ва бошқа юзаларни антисептик спирт аралашмаси билан артиш керак. Кўчага имкони борича камроқ чиқишга ҳаракат қилинг, УЙДА ҚОЛИНГ!