Мактаб таълим сифати натижаси…
Ҳаммамизга аёнки тарақиётнинг тамал тоши, мамлакатни қудратли, миллатни буюк қиладиган куч ҳам бу — илм-фан, таълим ва тарбиядир. Эртанги кунимиз, Ватанимизнинг ёруғ истиқболи, биринчи навбатда, таълим тизими ва фарзандларимизга бераётган тарбиямиз билан чамбарчас боғлиқ.
Элликқалъа тумани «Сараби» овулидаги 2-сонли айрим фанларни чуқурлаштирилиб ўқитишга ихтисослаштирилган умумий ўрта таълим мактаби 1996-йил ташкил қилинган бўлиб, физика-математика ва кимё-биология фанлардан чуқур билим берилади. Мактаб 2009-йил 347 млн сўм маблағ ажратилиб капитал реконструкция қилинди. Кутубхона фондида 4.5 минга яқин китоб бўлиб ўқувчилар таълим олишлари учун компьютерлар билан жихозланган. Мактабда 500 нафар ўқувчиларга 46 нафар олий тоифали ўқитувчилар томонидан билим берилмоқда. 2021-2022 ўқув йилида 47 нафар ўқувчи битириб шундан 42 таси олий таълим муассасаларига ўқишга қабул қилинди, бу жами битирувчиларни 95.5% ни ташкил қилади.
