Бугун, Элликқалъа тумани ҳокимлигида Ўзбекистон Республикаси Олий Мажлиси Сенатининг ўттиз учинчи ялпи мажлисида кўриб чиқилган масалаларнинг мазмун-моҳиятини кенг жамоатчиликка етказиш
мақсадида Олий Мажлис Сенати аъзоси Аннақиличева Гулистон Ахмедовна иштирокида Қорақалпоғистон Республикаси Жўқорғи Кенгеси ва туман Кенгаши депутатлари, сектор раҳбарлари, ҳоким ўринбосарлари, адлия бўлими ходимлари, мактаб директорлари ҳамда тегишли корхона ва ташкилотлар раҳбарлари, оммавий ахборот воситалари вакиллари иштирокида йиғилиш ўтказилди.
Йиғилишни туман ҳокими С. Авезов очди ва олиб борди.
Йиғилишда Олий Мажлис Сенатининг ўттиз учинчи ялпи мажлисида маъқулланган масала ва қонунлар ва кўриб чиқилган бошқа масалаларнинг мазмун-моҳияти хақида Олий Мажлис Сенати аъзоси Г. Аннақиличева томонидан кенг маълумотлар берилди ва фикр мулоҳазалари тингланди.
Йиғилишда қабул қилинган 11 та масала 6 та қонунларнинг аҳамияти, олиб борилаётган ислоҳатларнинг мазмуни кенг тушунтирилди. Шунингдек берилган маълумотлар юзасидан депутатларнинг фикр мулоҳазалари тингланди.
