Ўзининг бетакрор истеъдоди, юксак матонати ва халқпарварлиги билан ўзбек адабиётида ўчмас из қолдирган, мустабид тузум даврида сиёсий қатағон қурбони бўлган оташин шоир, таржимон ва драматург Усмон Носир халқимизнинг машҳур фарзандларидан биридир. Унинг эзгу инсоний фазилатлар, Ватанга муҳаббат ва садоқат, келажакка юксак ишонч туйғуси билан йўғрилган етук бадиий асарларининг халқимиз маънавиятини юксалтириш, ёш авлод тарбиясидаги беқиёс ўрни ва аҳамиятини ҳисобга олиб ҳамда шоир таваллудининг 110 йиллигини кенг нишонлаш ва хотирасини абадийлаштириш мақсадида 2022-йил 10-феврал куни Президентимизнинг 125 – сонли қарори қабул қилинди. Қарор ижросини таъминлаш мақсадида юртимизда кўплаб тадбирлар ўтказилмоқда.
Бугун Элликқалъа тумани ХТБ га қарашли 66 – сонли умумтаълим мактабида Усмон Носир ҳаётига бағишланган адабий-бадиий кеча ўтказилди.
