Тунда кўчаларни ёритиб инсонларга ёруғ йўл бераётган чироқларни синдириш кимга керак бўлди экан?
Атроф-муҳитнинг озодалиги жамиятга баҳо беради. Ҳар бир инсон хонадони, маҳалласи ва ватанининг тозалиги учун ҳаракат қилиши керак. Айрим ҳолатларда кўчаларга чиқиндилар ташлаб кетишади. Мошинада кетаётган бўлса ҳар хил чиқиндиларни улоқтириб кетади. Кўчада ахлат ташлаш учун қўйилган махсус идишларга ахлат ташлаш ўрнига юрган йўлига ташлаб кетади.
Булар қанчалик оғриқли бўлмасин айни ҳақиқат, бугунги кунда кўчалардаги йўл белгилари ва ўриндиқларга зарар етказиш «урф» га айланмоқда.
Элликқалъа тумани «Бўстон» маҳалла фуқаролар йиғинида ўрнатилган кўча чироқларини синдириб кетишмоқда. Тунда кўчаларни ёритиб инсонларга ёруғ йўл бераётган чироқларни ўчириш кимга керак бўлди экан?
Йўлдан беҳатар ўтиб олишимиз, ҳавфсизлигимиз учун ўрнатилган йўл белгилари ҳам безорилар томонидан хароб ҳолга келтирилмоқда. Бунинг учун ким жавоб беради кўра била туриб бефарқ қараб турганларми ёки фарзандига бу ишнинг нотўғри эканлигини тушинтира олмаган ота-оналарми, ёки маҳалладошларми?
Хулоса қилиб айтганда, инсон ўзи яшайдиган жамиятнинг аъзоси ҳисобланади. Ҳар бир инсон ўз жамиятига манфаат келтиришга масъул. Ватанимизнинг ҳар бир ерини обод қилишимиз керак. Фарзандларимизга ҳам уй ва кўча озодалиги ва покизалиги ҳақида кенг тушунчалар беришимиз бизнинг вазифамиз.
Элликқалъа туман ҳокимлиги ахборот хизмати.
