Бугун, Элликқалъа туманида 15-феврал Афғонистонда 1979-1989 йиллар давомида салкам ўн йил давом қилган уруш тугатилганлигининг 34 йиллиги муносабати билан тадбир ташкил қилинди.
Туман марказидаги Афғон диёрида уруш ҳаракатларида қатнашган Элликқалъалик аскарлар хотирасига ўрнатилган монументга гулчамбарлар қўйилиб ҳурмат бажо келтирилди. Шаҳид бўлган элдошларимиз ҳурматига Қуръон тиловат қилинди ва сукут сақланди.
Тадбирда Элликқалъа тумани ҳокими С. С. Авезов сўзга чиқиб урушда жасорат кўрсатган элдошларимизни байрам билан табриклади, шаҳид бўлган ўғлонларимиз ҳотираси абадий эканлигини таъкидлаб ўтди.
Тадбирда сектор раҳбарлари, Афғон диёрида уруш ҳаракатларида иштирок қилган жангчи ветеранлар ва бир гуруҳ ёшлар қатнашиб, бир муддат ўз сафдошларини ёд этдилар.
Маълумот учун Элликқалъа туманидан Афғон урушида 200 нафар навқирон йигитларимиз иштирок қилган. Шундан 6 нафари уруш жангларида шаҳид бўлган.
Ўтказилган тадбирдан кейин Ветеран жангчилар очиқ дастурхонга таклиф қилинди.
