Элликқалъа туманида 3-сектор раҳбарининг аҳоли билан учрашуви ўтказилди.
Куни кеча Элликқалъа туман ИИБ бошлиғи, 3-сектор раҳбари К.Узакбаев бошчилигида «Думанқалъа» МФЙ да фуқаролар ва ёшлар билан учрашуви ўтказилди. Учрашувга туман ҳокими ўринбосари А.Сеитов, туман Халқ қабулхонаси бошлиғи А.Джумагелдиев, 9-Думанқалъа сайлов округи туман кенгаши депутати П.Тохсабинов ҳамда туман корхона ва ташкилот маъсул раҳбарлари қатнашди.
Сайёр қабулда фуқаролар томонидан ўзларини қийнаб келаётган муаммоли саволларига тегишли ташкилот маъсул рахбарлари томонидан жавоблар берилди. Бунда фуқаролар томонидан келиб тушган мурожаатлар кўриб чиқилиб, жойида ижобий хал қилиш, ҳуқуқий тушунтириш бериш йўли билан ҳал қилиш, асосли тушунтириш бериш ҳамда узоқ муддат талаб қиладиган мурожаатлар назоратга олиш чоралари кўрилди.
