Элликқалъа туманида «Кумуш тола» хирмони юксалмоқда.
Пиллачилик юртимиз қишлоқ хўжалигининг муҳим тармоқларидан саналиши билан бирга, ипак ишлаб чиқариш ота-боболаримизнинг бой маданий мероси ҳамдир. Шу боис, мазкур қадриятни давом эттириш бугунги даврнинг муҳим масалаларидан саналади.
Жорий йилда Элликқалъа туманининг пиллачилик бўйича режаси 174 тоннани ташкил этади. «BUSTAN SILK» масъулияти чекланган жамияти 1345 та касаначилар билан шартнома тузган, шундан 926 нафари аёл қизлар, 164 та фермер хўжаликлари билан контрактация шартномаси тузилган.
Ҳозирги кунда режани ортиғи билан бажарган фуқаролар ҳар бир ортиқча килограм пилла ҳосили учун 33 минг сўм пул маблағи тарози бошида берилмоқда.
Бундан ташқари касаначиларга ҳар бир қути учун 300 минг сўм аванс пуллари тўлаб берилган, пилла мавсумида 1 ой ипак қурти боққан фуқаролар 1 йиллик иш стажига эга бўлади, бундан ташқари тут қаторлари учун ер солиғи олинмайди.
