Ўзбекистон Республикаси Президентининг 2023-йил 12 июндаги ПФ-93-сон Фармони билан тадбиркорлик субъектларига берилган имтиёз ва преференцияларнинг мазмун моҳиятини тадбиркорлик субъектларига етказиш юзасидан 2023-йил 7-июль куни Элликқалъа туманида семинар ўтказилди.
Мазкур семинарда туман ҳокими С.Авезов, туман ҳокимининг биринчи ўринбосари Б.Алимов, Қорақалпоғистон Республикаси Истеъмолчилар ҳуқуқларини ҳимоя қилиш жамиятлари Федерацияси бошлиғи У.Дурдиев, “Халқ банк”нинг Қорақалпоғистон Республикаси филиали бошқарувчиси ўринбосари Е.Доспанов, ҳоким ёрдамчилари, тегишли ташкилот раҳбарлари ҳамда “20 минг тадбиркор ва 500 минг малакали ишчи” дастурида иштирок қилаётган 56 нафар тадбиркорлар қатнашди.
Амалий семинарда Ўзбекистон Республикаси Президентининг 2023 йил 12 июндаги “Камбағалликни қисқартиришда тадбиркорлик субъектлари билан ўзаро манфаатли ҳамкорлик ўрнатишга қаратилган чора-тадбирлар тўғрисида”ги ПФ-93-сонли Фармони бўйича дастурда иштирок қиладиган тадбиркорларга бериладиган имтиёз ва преференциялар тушунтирилди.
