АССАЛОМУ-АЛЕЙКУМ, АЗИЗ ЭЛДОШЛАР!

СИЗЛАРНИ, СИЗЛАР ОРҚАЛИ БУТУН ЭЛИМИЗ АҲЛИНИ ҚУТЛУҒ АЙЁМ – ЯШАРИШ ВА НАФОСАТ, БАҲОР ВА ГЎЗАЛЛИК БАЙРАМИ – НАВРЎЗИ ОЛАМ, ЯЪНИ ШАРҚОНА ЯНГИ ЙИЛ БИЛАН САМИМИЙ ТАБРИКЛАБ, ЭНГ ЭЗГУ ТИЛАКЛАРИМНИ ЙЎЛЛАЙМАН. НАВРЎЗ ТУМАНИМИЗНИНГ ҲАР БИР МАҲАЛЛАСИ, ҲАР БИР ХОНАДОНИГА ТУГАНМАС ҚУТ-БАРАКА ОЛИБ КЕЛСИН.

ҚАДРЛИ  ЮРТДОШЛАР!

ЎТГАН ДАВРДА СИНОВЛИ ДАМЛАРНИ БОШДАН КЕЧИРГАНИМИЗГА ҚАРАМАСДАН ТУМАН ИҚТИСОДИЁТИДА ДЕПСИНИШЛАРГА ЙЎЛ ҚЎЙМАДИК, МУҲТАРАМ ПРЕЗИДЕНТИМИЗНИНГ ПАНДЕМИЯ ШАРОИТИДА ҚАТЪИЙ ИНТИЗОМГА РИОЯ ЭТИШ БЎЙИЧА БЕРГАН ҚИММАТЛИ КЎРСАТМАЛАРИ АСОСИДА ЎТА ТАЛОФАТЛИ ҲОДИСАЛАРНИНГ ОЛДИНИ ОЛДИК.

ЎТГАН 2020 ЙИЛДА УМУМТАЪЛИМ МАКТАБЛАРИ ВА МАКТАБГАЧА ТАЪЛИМ МУАССАСАЛАРИНИ КАПИТАЛ ТАЪМИРЛАШ, ЯНГИ ИЧИМЛИК СУВ ТАРМОҚЛАРИ ТОРТИШ, ТУРАР-ЖОЙ ҚУРИЛИШ БЎЙИЧА ТАҲСИНГА ЛОЙИҚ ИШЛАР УДДАЛАНДИ. ШУ ДАВРДА ТАДБИРКОРЛИКНИ ҚЎЛЛАБ ҚУВВАТЛАШ ЭВАЗИГА 11 ГЕКТАР МАЙДОНЛАРДА ЗАМОНАВИЙ ИССИҚХОНАЛАР ТАШКИЛ ҚИЛИНИБ 165 ТА, ЧОРВАЧИЛИК СОҲАСИДА 1200 ГА ЯҚИН НАСЛЛИ ҚОРАМОЛЛАР КЕЛТИРИШ ОРҚАЛИ 180 ТА, УЗУМЧИЛИК СОҲАСИДА 500 ГЕКТАР МАЙДОНДА УЗУМ ПЛАНТАЦИЯЛАРИ БАРПО ҚИЛИШ ОРҚАЛИ 120 ТА ЯНГИ ИШ ЎРИНЛАРИ ЯРАТИЛДИ.

ТУМАНДА САНОАТ МАҲСУЛОТЛАРИ ИШЛАБ ЧИҚАРИШ ҲАЖМИ ЎТГАН ЙИЛНИНГ ШУ ДАВРИГА НИСБАТАН 110,3 ФОИЗНИ ТАШКИЛ ҚИЛДИ. ШУНИНГДЕК, 2020 ЙИЛДА ИРРИГАЦИЯ ВА МЕЛИОРАЦИЯ СОҲАСИДА МИСЛИ КЎРИЛМАГАН ҲАЖМДАГИ ИШЛАР БАЖАРИЛДИ.

2021 ЙИЛДА 4 ТА ЛОЙИҲА ХИСОБИГА 40 ГЕКТАР МАЙДОНДА ЗАМОНАВИЙ ТИПДАГИ ГИДРАПОНИКА УСУЛИДА ИССИҚХОНАЛАРНИ ТАШКИЛ ЭТИШ ОРҚАЛИ ЯНГИДАН 600 ТА ИШ ЎРИНЛАРИ ЯРАТИЛИШИ, ”ОБОД ҚИШЛОҚ” ДАВЛАТ ДАСТУРИ АСОСИДА “САРАБИЙ” ОВУЛИ ВА “ҚИЗИЛҚУМ” МАҲАЛЛАСИ УЧУН 53 МЛРД СЎМ АЖРАТИЛИШИ, 2500 ГЕКТАР МАЙДОНДА СУВНИ ТЕЖОВЧИ ТЕХНОЛОГИЯЛАРНИ ЖОРИЙ ҚИЛИШ, 1500 ГЕКТАР МАЙДОНДА УЗУМ ПЛАНТАЦИЯЛАРИ ТАШКИЛ ҚИЛИШНИ РЕЖАЛАШТИРГАНМИЗ.

ТУМАНДА ҲОЗИРГИ КУНДА 190 ЎРИНЛИ 3 ТА МЕҲМОНХОНА,
РЕСТОРАН, МИЛЛИЙ ЎТОВ ВА БОШҚА ХИЗМАТЛАРИ МАВЖУД БЎЛГАН ДАМ ОЛИШ МАСКАНЛАРИ ФАОЛИЯТ ЮРИТМОҚДА. БУ ҲУДУДИМИЗГА САЙЁҲЛАР ОҚИМИНИ КЎПАЙТИРМОҚДА. 2021 ЙИЛНИ МАМЛАКАТИМИЗДА “ЁШЛАРНИ ҚЎЛЛАБ-ҚУВВАТЛАШ ВА АҲОЛИ САЛОМАТЛИГИНИ МУСТАҲКАМЛАШ ЙИЛИ” ДЕБ НОМЛАНИШИ ХАЛҚИМИЗ, АЙНИҚСА ЁШЛАРИМИЗНИ ЯНАДА ҚУВОНТИРДИ.

УШБУ ЙИЛДА АЁЛЛАР ВА ЁШЛАР БИЛАН ЯНГИЧА ТИЗИМ АСОСИДА ИШЛАШИШ ЙЎЛГА ҚЎЙИЛИБ, АЁЛЛАР ДАФТАРИ ВА ЁШЛАР ДАФТАРИНИ ШАКЛЛАНТИРИШ УЧУН 36 ТА ОВУЛ ВА МАҲАЛЛАЛАРДА ХАТЛОВ ЎТКАЗИЛДИ.

БУГУНГИ КУНДА АЁЛЛАР ДАФТАРИГА КИРИТИЛГАН 2942 НАФАР АЁЛЛАРНИНГ ВА ЁШЛАР ДАФТАРИГА КИРИТИЛГАН 3826 НАФАР ИШСИЗ, ИЖТИМОИЙ, ИҚТИСОДИЙ МУАММОСИ БОР БЎЛГАН ЁШЛАРНИ БАНДЛИГИНИ ТАЪМИНЛАШ ВА УЛАРНИНГ МУАММОЛАРИНИ ҲАЛ ЭТИШ БОРАСИДА МАНЗИЛЛИ ДАСТУРЛАР АСОСИДА ИШЛАР ОЛИБ БОРИЛМОҚДА.

АЁЛЛАР ДАФТАРИГА КИРИТИЛГАН ХОТИН-ҚИЗЛАРНИНГ 79 НАФАРИНИ БАНДЛИГИ ТАЪМИНЛАНДИ, 51 НАФАРИГА ТИББИЙ ЁРДАМ КЎРСАТИЛДИ, 399 НАФАРИГА ХУҚУҚИЙ ЁРДАМ ВА МАСЛАҲАТЛАР БЕРИЛДИ. “ЁШЛАР ДАФТАРИГА” КИРИТИЛГАН ЁШЛАРДАН 188 НАФАРИНИНГ БАНДЛИГИ ТАЪМИНЛАНДИ,  2252 НАФАР ЁШЛАРГА ДЕҲҚОНЧИЛИК ҚИЛИШЛАРИ УЧУН 544 ГЕКТАР ЕР МАЙДОНЛАРИ ИЖАРА АСОСИДА АЖРАТИБ БЕРИЛДИ.

ПАНДЕМИЯ ДАВРИДА АҲОЛИМИЗНИ ҚЎЛЛАБ ҚУВВАТЛАШ  МАҚСАДИДА ТЕМИР ДАФТАРЛАР ШАКЛЛАНТИРИЛИБ, УШБУ ТЕМИР ДАФТАРЛАРГА 1912 ТА ЁРДАМГА МУҲТОЖ ОИЛАЛАР КИРИТИЛИБ, ШУ КУНГАЧА УШБУ ОИЛАЛАРДАГИ ИШСИЗЛАРНИ ИШГА ЖОЙЛАШТИРИШ ВА МОДДИЙ ЁРДАМЛАР БЕРИШ ҲИСОБИГА 1696 ТА ОИЛАЛАР ТЕМИР ДАФТАРДАН ЧИҚАРИЛДИ.

ҚАДРЛИ ЮРТДОШЛАР!

НАВРЎЗ ФАЛСАФАСИ, НАВРЎЗ ҚАДРИЯТЛАРИ – ОДАМЛАРНИНГ ДАРДУ ТАШВИШИ БИЛАН ЯШАШ, КЕКСАЛАРГА ҲУРМАТ, МУҲТОЖ ИНСОНЛАРГА ЭЪТИБОР ВА ЁРДАМ КЎРСАТИШ, АДОЛАТ ВА ХАЛҚПАРВАРЛИК ФАОЛИЯТИМИЗ МЕЗОНИГА АЙЛАНМОҚДА.

БИЗ ЭНГ АВВАЛО ОНАЛАРИМИЗ, АЁЛЛАРИМИЗ ВА ФАРЗАНДЛАРИМИЗ, БУТУН ХАЛҚИМИЗНИ РОЗИ ҚИЛИШНИ ЎЗ ОЛДИМИЗГА ЭЗГУ ВАЗИФА ҚИЛИБ ҚЎЙГАНМИЗ. БУ ОЛИЙ МАҚСАДГА АЛБАТТА ЭРИШАМИЗ. ШУНДА ҲАЁТИМИЗ ЯНАДА ОБОД ВА ФАРОВОН, БУЮК АЛИШЕР НАВОИЙ БОБОМИЗ АЙТГАНЛАРИДЕК, ҲАР КУНИМИЗ НАВРЎЗ БЎЛАДИ.

БУГУН МИРИШКОР ДЕҲҚОН ВА ФЕРМЕРЛАРИМИЗ КАТТА ОРЗУ-НИЯТЛАР БИЛАН ЯНГИ МЕҲНАТ МАВСУМИНИ БОШЛАМОҚДАЛАР. БАРЧАМИЗГА ЙИЛИМИЗ ҚУТЛУҒ КЕЛСИН, ҲОСИЛИМИЗ МЎЛ БЎЛСИН. БАҲОР ҲАР БИР ОИЛАГА БАХТ ВА ҚУВОНЧ ОЛИБ КЕЛСИН!

БАРЧА ПОК ОРЗУ-НИЯТЛАРИМИЗ АМАЛГА ОШСИН!

ЮРТИМИЗ ТИНЧ, ОСМОНИМИЗ МУСАФФО БЎЛСИН!

ЯНА БИР БОР НАВРЎЗИ ОЛАМ БАРЧАМИЗГА МУБОРАК БЎЛСИН!